預祝哈佬喂@廸廸尼

今年好正呀去廸廸尼,因為開正我個瓣,因為係特別場,有COUPON買野有7折,開心爆呀!!! 買了好多野,而且玩得好開心,我係同我老公既家人去玩,最好笑係佢家姐個仔仔,次次去都喊一餐,佢已經8歲,但咩都驚既,好鬼冇用,不過好可愛,講野好攪笑,不過鬼屋,巡遊都同上年一樣,所以都冇玩,而且小朋友好驚,上年排到佢係度喊,今年佢講明唔玩,不過我地玩左迷離莊園, 佢都話驚驚比佢激屎! 不過我無論去幾多次廸廸尼我都唔會悶,因為佢D野真係好靚,真係去到之後好非現實,好夢幻, 真係特別開心同放鬆!

好鐘意迷離莊園,好靚呀,襯埋個月光一流!

呢杯特飲超鐘意,粒冰發光嫁,係哈佬喂先有! 有個亞JACK係度嫁!

呢頂係我恨左好耐既米妮帽,有7折冇藉口唔買啦! 嘻嘻!

渣仔衍庭又發呆,笑得好勉強,因為佢驚緊一陣我地要去鬼屋,因為天已經黑左喇!

我既三文魚便當,麻麻地,涷冰冰既!

兒童餐,早知食呢個啦!有栗米呀!我至LIKE嫁!

 

嘩鬼出籠喇,呢個我其實超驚呀!佢好ACTIVE嫁,係咁係我隔離叫! WOW..WOW咁!

我鐘意獅子女皇!

 

 

係Toy Story land影既！

準備玩迷離莊園！期待中！

庭庭試帽，好襯佢個ＣＵＴＥ樣呀！

我至鐘意呢幾張相，日頭係影得靚Ｄ，而且好有哈佬喂ＦＥＥＬ！

 

MU怪獸學校影相位！

 

馬灣BB蕉

呢個星期天氣好好, 一班街坊約埋去BB蕉,地點就係馬灣舊村,雖然咁近,但我地個個都大包細包,真係好似個個帶左個BB出去旅行咁, 真係好好笑,個個大人都服侍毛小孩, 一邊BBQ,一邊游水,不過噹B冇落水,因為始終都唔敢比佢試,不過昨日D水真係好靚,好清,個個都玩得好開心!
野食預得O岩O岩好! D 虎蝦好正, 我至LIKE海鮮! 不過BBQ我又最LIKE 丸同腸仔,哈哈,因為快熟!

一班為食的大人和毛小孩,各有各食! 哈哈!

噹噹唔可以放繩,因為佢會周圍撞!

點解有隻POODLE 仔(Spencer)比人抱住BBQ,因為..佢不停咁攪人地隻松鼠女呀! 直頭求愛求到要飛落水,本身佢自己怕游水,不過為左愛情都博一博啦!

 

 

呢兩兄弟GARLIC同BUDDY好得意嫁,不過成日痴住麻麻,麻麻鍚到佢地燶呀!

呢兩兄妹,哥哥好文靜,妹妹MINIE 好撑雞,見到大毛孩成日要跑過去吠到人走先安樂,通常佢都係第一個帶隊示威,佢最細粒,但係最勇猛!

又要摟麻麻抱!

                 

仔仔同琪琪,仔仔游完水勁肚餓,咩都食一餐,平時比佢都唔食!

好靚既日落呀!

                                               噹噹攰到想訓,因為冇訓妟晝覺!

不過我同我老公傻左,冇著拖鞋,落唔到水影毛小孩呀,真失敗!